ਕ੍ਰੈਡਿਟ ਕਾਰਡ ਲਈ ਕਿਸਾਨ ਕਿਵੇਂ ਕਰ ਸਕਣਗੇ ਅਪਲਾਈ, ਜਾਣੋ ਕਿਸਾਨਾਂ ਦੀ ਜੇਬ 'ਚ ਆਏਗਾ ਕਿੰਨਾ ਪੈਸਾ?

Kisan Credit Card: ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਬਜਟ ਵਿੱਚ ਕਿਸਾਨਾਂ ਲਈ ਵੱਡਾ ਐਲਾਨ ਕੀਤਾ ਹੈ। ਕਿਸਾਨ ਕ੍ਰੈਡਿਟ ਕਾਰਡ ਦੀ ਸੀਮਾ ਨੂੰ ਵਧਾ ਕੇ 5 ਲੱਖ ਰੁਪਏ ਕਰ ਦਿੱਤਾ ਗਿਆ ਹੈ। ਪਹਿਲਾਂ ਇਹ ਸੀਮਾ ਸਿਰਫ 3 ਲੱਖ ਰੁਪਏ ਸੀ। ਕੇਂਦਰ ਸਰਕਾਰ ਵੱਲੋਂ ਦਿੱਤੇ ਗਏ ਇਸ ਤੋਹਫੇ ਨਾਲ ਕਿਸਾਨਾਂ ਨੂੰ 2 ਲੱਖ ਰੁਪਏ ਵਧੀਕ ਦਾ ਫਾਇਦਾ ਹੋਏਗਾ। ਨਾਲ ਹੀ ਦੇਸ਼ ਦੇ ਲੱਖਾਂ ਕਿਸਾਨ ਇਸ ਯੋਜਨਾ ਦਾ ਲਾਭ ਉਠਾ ਸਕਣਗੇ।

ਹੋਰ ਪੜ੍ਹੋ : ਕੈਂਸਰ ਤੇ ਗੰਭੀਰ ਬਿਮਾਰੀਆਂ ਦੀਆਂ ਇਹ ਦਵਾਈਆਂ ਹੋਣਗੀਆਂ ਸਸਤੀਆਂ, ਬਜਟ 'ਚ ਹੋਇਆ ਵੱਡਾ ਐਲਾਨ

ਇਹ ਵੀ ਜਾਣੋ ਕਿ ਕਿਸਾਨ ਕ੍ਰੈਡਿਟ ਕਾਰਡ ਨਾਲ ਸੇਵਿੰਗ ਖਾਤੇ ਦਾ ਵੀ ਲਾਭ ਮਿਲਦਾ ਹੈ। ਇਸ ਕਾਰਡ ਲਈ ਅਰਜ਼ੀ ਕਰਨ ਦੀ ਪ੍ਰਕਿਰਿਆ ਬਹੁਤ ਸਧਾਰਨ ਹੈ ਅਤੇ 15 ਦਿਨਾਂ ਦੇ ਅੰਦਰ ਕਿਸਾਨਾਂ ਨੂੰ ਇਹ ਕਾਰਡ ਮਿਲ ਜਾਂਦਾ ਹੈ। ਆਓ ਜਾਣਦੇ ਹਾਂ ਕਿ ਕਿਸਾਨ ਕ੍ਰੈਡਿਟ ਕਾਰਡ ਲਈ ਅਰਜ਼ੀ ਕਰਨ ਦੀ ਪ੍ਰਕਿਰਿਆ ਕੀ ਹੈ...

ਇਹ ਹੋਣਗੇ ਕਿਸਾਨ ਕ੍ਰੈਡਿਟ ਕਾਰਡ ਦੇ ਫਾਇਦੇ

• ਕਿਸਾਨ ਕ੍ਰੈਡਿਟ ਕਾਰਡ ਦੇ ਜਰੀਏ ਕਿਸਾਨਾਂ ਨੂੰ 4 ਫੀਸਦੀ ਬਿਆਜ ਦਰ 'ਤੇ 3 ਲੱਖ ਰੁਪਏ ਤੱਕ ਦਾ ਲੋਨ ਮਿਲਦਾ ਸੀ। ਹੁਣ ਲੋਨ 5 ਲੱਖ ਰੁਪਏ ਤੱਕ ਮਿਲੇਗਾ।
• ਇਸ ਯੋਜਨਾ ਦੇ ਤਹਿਤ ਕਿਸਾਨਾਂ ਨੂੰ ਸਬਸਿਡੀ ਵੀ ਮਿਲਦੀ ਹੈ। ਯਾਨੀ ਕਿ ਜੇਕਰ ਕਿਸਾਨ ਸਮੇਂ ਤੇ ਲੋਣ ਦੀ ਅਦਾਇਗੀ ਕਰਦੇ ਹਨ, ਤਾਂ ਉਨ੍ਹਾਂ ਨੂੰ 3 ਫੀਸਦੀ ਦੀ ਸਬਸਿਡੀ ਮਿਲਦੀ ਹੈ।

ਇਸ ਤਰ੍ਹਾਂ ਓਫਲਾਈਨ ਅਰਜ਼ੀ ਦੇ ਸਕਦੇ ਹੋ

ਕਿਸਾਨ ਕ੍ਰੈਡਿਟ ਕਾਰਡ ਲਈ ਅਰਜ਼ੀ ਪ੍ਰਕਿਰਿਆ ਕਾਫੀ ਸਧਾਰਨ ਹੈ। ਸਭ ਤੋਂ ਪਹਿਲਾਂ ਤੁਹਾਨੂੰ ਆਪਣੀ ਨਜ਼ਦੀਕੀ ਬੈਂਕ ਸ਼ਾਖਾ ਨਾਲ ਸੰਪਰਕ ਕਰਨਾ ਹੋਵੇਗਾ।

ਕਿਸਾਨ ਕ੍ਰੈਡਿਟ ਕਾਰਡ ਲਈ ਬੈਂਕ, ਪੰਚਾਇਤ ਅਤੇ ਜਿਲਾ ਪ੍ਰਸ਼ਾਸਨ ਮਿਲ ਕੇ ਕੰਮ ਕਰ ਰਹੇ ਹਨ। ਕਿਸਾਨਾਂ ਨੂੰ 15 ਦਿਨਾਂ ਦੇ ਅੰਦਰ ਹੀ ਕਾਰਡ ਮਿਲ ਜਾਂਦਾ ਹੈ।

ਬੈਂਕ ਵਿੱਚ ਜਾ ਕੇ ਤੁਹਾਨੂੰ ਕਿਸਾਨ ਕ੍ਰੈਡਿਟ ਕਾਰਡ ਦਾ ਅਰਜ਼ੀ ਫਾਰਮ ਲੈਣਾ ਹੋਵੇਗਾ। ਇਸ ਵਿੱਚ ਸਾਰੀਆਂ ਜ਼ਰੂਰੀ ਜਾਣਕਾਰੀਆਂ ਭਰ ਕੇ ਜਮ੍ਹਾਂ ਕਰਵਾਣੀਆਂ ਹੋਣਗੀਆਂ।

ਆਨਲਾਈਨ ਅਰਜ਼ੀ ਇਸ ਤਰ੍ਹਾਂ ਕਰੋ

• ਆਪਣੀ ਪਸੰਦ ਦੀ ਬੈਂਕ ਦੀ ਵੈਬਸਾਈਟ 'ਤੇ ਜਾਓ।
• ਹੋਮ ਪੇਜ 'ਤੇ ਕਿਸਾਨ ਕ੍ਰੈਡਿਟ ਕਾਰਡ ਦਾ ਆਪਸ਼ਨ ਦਿਖਾਈ ਦੇਵੇਗਾ।
• ਇੱਥੇ ਅਰਜ਼ੀ ਕਰਨ ਤੋਂ ਬਾਅਦ ਤੁਹਾਨੂੰ ਨਵਾਂ ਪੇਜ ਦਿਖਾਈ ਦੇਵੇਗਾ।
• ਇੱਥੇ ਤੁਹਾਨੂੰ ਸਾਰੀਆਂ ਜ਼ਰੂਰੀ ਜਾਣਕਾਰੀਆਂ ਭਰਨੀਆਂ ਹੋਣਗੀਆਂ।
• ਸਬਮਿਟ ਕਰਨ ਤੋਂ ਬਾਅਦ ਤੁਹਾਨੂੰ ਐਪਲੀਕੇਸ਼ਨ ਰੈਫਰੈਂਸ ਨੰਬਰ ਮਿਲੇਗਾ।
• ਜੇ ਤੁਸੀਂ ਇਸ ਕਾਰਡ ਲਈ ਯੋਗ ਹੋ, ਤਾਂ 5 ਦਿਨਾਂ ਦੇ ਅੰਦਰ ਬੈਂਕ ਤੁਹਾਡੇ ਨਾਲ ਸੰਪਰਕ ਕਰੇਗਾ।

ਇਹ ਦਸਤਾਵੇਜ਼ ਹੋਣਗੇ ਜ਼ਰੂਰੀ

ਪਾਸਪੋਰਟ ਸਾਈਜ਼ ਫੋਟੋ
ਆਧਾਰ ਕਾਰਡ
ਵੋਟਰ ਆਈਡੀ ਕਾਰਡ
ਡ੍ਰਾਈਵਿੰਗ ਲਾਇਸੈਂਸ
ਕਿਸਾਨ ਦੀ ਜ਼ਮੀਨ ਦੇ ਕਾਗਜ਼