Stock Market Opening: ਸ਼ੇਅਰ ਬਾਜ਼ਾਰ ਦੀ ਦਮਦਾਰ ਸ਼ੁਰੂਆਤ, ਬੈਂਕ ਨਿਫਟੀ ਅਤੇ ਆਈਟੀ ਇੰਡੈਕਸ 'ਚ ਜਬਰਦਸਤ ਉਛਾਲ

Stock Market Opening: ਘਰੇਲੂ ਸ਼ੇਅਰ ਬਾਜ਼ਾਰ ਦੀ ਚਾਲ ਅੱਜ ਤੇਜ਼ ਹੈ ਅਤੇ ਪਿਛਲੇ ਸ਼ੁੱਕਰਵਾਰ ਦੀ ਗਿਰਾਵਟ ਨੂੰ ਛੱਡ ਕੇ ਭਾਰਤੀ ਸ਼ੇਅਰ ਬਾਜ਼ਾਰ ਅੱਜ ਤੇਜ਼ੀ ਦੇ ਨਾਲ ਖੁੱਲ੍ਹਿਆ ਹੈ। ਸ਼ੁੱਕਰਵਾਰ ਨੂੰ ਅਮਰੀਕੀ ਬਾਜ਼ਾਰ ਚੰਗੇ ਵਾਧੇ ਦੇ ਨਾਲ ਬੰਦ ਹੋਣ 'ਚ ਕਾਮਯਾਬ ਰਹੇ। ਨਿਫਟੀ ਆਈਟੀ ਅੱਜ 300 ਅੰਕ ਵੱਧ ਕੇ ਖੁੱਲ੍ਹਿਆ ਹੈ ਅਤੇ ਅਡਵਾਂਸ-ਡਿਕਲਾਈਨ ਰੇਸ਼ੋ ਯਾਨੀ ਕਿ ਵਧਣ ਅਤੇ ਡਿੱਗਣ ਵਾਲੇ ਚੰਗੇ ਪੱਖ ਵਿੱਚ ਹੈ। ਅੱਜ ਸਾਰੇ ਸੈਕਟਰਲ ਇੰਡੈਕਸ 'ਚ ਤੇਜ਼ੀ ਦਿਖਾਈ ਦੇ ਰਹੀ ਹੈ। ਇੰਡੀਆ ਵਿਕਸ ਵਿੱਚ ਅੱਜ ਬਹੁਤੀ ਹਲਚਲ ਜਾਂ ਤੇਜ਼ੀ ਨਹੀਂ ਹੈ। ਬੈਂਕ ਨਿਫਟੀ ਅੱਜ ਆਪਣੇ ਜ਼ਬਰਦਸਤ ਵਾਧੇ ਨਾਲ ਬਾਜ਼ਾਰ ਨੂੰ ਉਤਸ਼ਾਹਿਤ ਕਰ ਰਿਹਾ ਹੈ ਅਤੇ ਬੈਂਕ ਸ਼ੇਅਰਾਂ 'ਚ 250 ਅੰਕਾਂ ਦੀ ਸ਼ਾਨਦਾਰ ਸ਼ੁਰੂਆਤ ਦੇਖਣ ਨੂੰ ਮਿਲ ਰਹੀ ਹੈ।

ਕਿਵੇਂ ਦੀ ਰਹੀ ਬਾਜ਼ਾਰ ਦੀ ਸ਼ੁਰੂਆਤ

ਬੀਐਸਈ ਦਾ ਸੈਂਸੈਕਸ ਅੱਜ 238.54 ਅੰਕ ਜਾਂ 0.29 ਫੀਸਦੀ ਦੇ ਵਾਧੇ ਨਾਲ 81,926 'ਤੇ ਖੁੱਲ੍ਹਿਆ ਅਤੇ ਐਨਐਸਈ ਦਾ ਨਿਫਟੀ 69.50 ਅੰਕ ਜਾਂ 0.28 ਫੀਸਦੀ ਦੇ ਵਾਧੇ ਨਾਲ 25,084.10 'ਤੇ ਕਾਰੋਬਾਰ ਸ਼ੁਰੂ ਕਰਨ ਵਿੱਚ ਕਾਮਯਾਬ ਰਿਹਾ।

ਕਿਵੇਂ ਦਾ ਰਿਹਾ ਸੈਂਸੈਕਸ ਦੇ ਸ਼ੇਅਰਾਂ ਦਾ ਹਾਲ

ਬੀਐਸਈ ਸੈਂਸੈਕਸ ਦੇ ਸ਼ੇਅਰਾਂ ਵਿੱਚ 30 ਵਿੱਚੋਂ 18 ਸ਼ੇਅਰਾਂ ਵਿੱਚ ਕਾਰੋਬਾਰ ਵਿੱਚ ਵਾਧਾ ਅਤੇ 12 ਸ਼ੇਅਰਾਂ ਵਿੱਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਸੈਂਸੈਕਸ 'ਚ ਆਈਟੀਸੀ, ਕੋਟਕ ਮਹਿੰਦਰਾ ਬੈਂਕ, ਆਈਸੀਆਈਸੀਆਈ ਬੈਂਕ, ਐਚਸੀਐਲ, ਭਾਰਤੀ ਏਅਰਟੈੱਲ, ਬਜਾਜ ਫਿਨਸਰਵ ਅਤੇ ਟਾਟਾ ਮੋਟਰਜ਼ ਦੇ ਸ਼ੇਅਰਾਂ 'ਚ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਡਿੱਗਣ ਵਾਲੇ ਸ਼ੇਅਰਾਂ ਵਿੱਚ ਟਾਈਟਨ, ਅਡਾਨੀ ਪੋਰਟਸ, NTPC, HDFC ਬੈਂਕ ਦੇ ਸ਼ੇਅਰ ਸ਼ਾਮਲ ਹਨ।

ਇਹ ਵੀ ਪੜ੍ਹੋ: Jio, Airtel, Vi, BSNL ਦੇ ਗਾਹਕਾਂ 'ਤੇ ਸਰਕਾਰ ਦੀ ਵੱਡੀ ਕਾਰਵਾਈ, 1.7 ਕਰੋੜ Sim Card ਕੀਤੇ ਬੰਦ, ਕਿਤੇ ਲਿਸਟ 'ਚ ਤੁਹਾਡਾ ਨਾਮ ਵੀ ਤਾਂ ਨਹੀਂ

NSE ਨਿਫਟੀ ਦਾ ਤਾਜ਼ਾ ਅਪਡੇਟ

50 ਨਿਫਟੀ ਸਟਾਕਾਂ ਵਿੱਚੋਂ, 30 ਸਟਾਕਾਂ ਵਿੱਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ ਅਤੇ 19 ਸਟਾਕਾਂ ਵਿੱਚ ਵਾਧਾ ਦੇਖਿਆ ਜਾ ਰਿਹਾ ਹੈ ਅਤੇ 1 ਸਟਾਕ ਬਿਨਾਂ ਕਿਸੇ ਬਦਲਾਅ 'ਤੇ ਵਪਾਰ ਕਰ ਰਿਹਾ ਹੈ। ਇਸ ਵਿੱਚ ਵੀ ਆਈਟੀਸੀ ਸਭ ਤੋਂ ਵੱਧ ਲਾਭਕਾਰੀ ਹੈ ਅਤੇ ਕੋਟਕ ਮਹਿੰਦਰਾ ਬੈਂਕ ਦੇ ਸ਼ੇਅਰ ਵੱਧ ਰਹੇ ਹਨ। ਗਿਰਾਵਟ ਵਾਲੇ ਸਟਾਕਾਂ 'ਚ ਟਾਈਟਨ ਅਤੇ ਅਡਾਨੀ ਪੋਰਟਸ ਦੇ ਸ਼ੇਅਰਾਂ 'ਚ ਕਮਜ਼ੋਰੀ ਹੈ।

ਗਿਫਟ ਨਿਫਟੀ ਤੋਂ ਮਿਲ ਰਹੇ ਸੀ ਤੇਜ਼ੀ ਦੇ ਸੰਕੇਤ

ਗਿਫਟ ​​ਨਿਫਟੀ ਅੱਜ ਸ਼ੇਅਰ ਬਾਜ਼ਾਰ ਦੀ ਤੇਜ਼ੀ ਨਾਲ ਸ਼ੁਰੂਆਤ ਦਾ ਸੰਕੇਤ ਦੇ ਰਿਹਾ ਹੈ ਅਤੇ ਅੱਜ ਇਹ 89.15 ਅੰਕ ਜਾਂ 0.35 ਫੀਸਦੀ ਦੇ ਵਾਧੇ ਨਾਲ 25263 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਇਸ ਦੇ ਆਧਾਰ 'ਤੇ ਉਮੀਦ ਕੀਤੀ ਜਾ ਰਹੀ ਸੀ ਕਿ ਨਿਫਟੀ ਅੱਜ 25,000 ਦੇ ਪਾਰ ਖੁੱਲ੍ਹੇਗਾ। ਬਾਜ਼ਾਰ ਮਾਹਰਾਂ ਮੁਤਾਬਕ ਨਿਫਟੀ 'ਚ 24700 ਦਾ ਸਪੋਰਟ ਪੱਧਰ ਦੇਖਿਆ ਜਾ ਸਕਦਾ ਹੈ।

ਇਹ ਵੀ ਪੜ੍ਹੋ: ਸਾਵਧਾਨ! ਹੋਟਲ 'ਚ ਵੀ ਤੁਸੀਂ ਵੀ ਦਿੰਦੇ ਹੋ ਆਪਣਾ ਆਰੀਜਨਲ ਆਧਾਰ ਕਾਰਡ, ਤਾਂ ਅੱਜ ਹੀ ਛੱਡ ਦਿਓ ਆਹ ਆਦਤ, ਫਸ ਜਾਓਗੇ ਮੁਸ਼ਕਿਲ 'ਚ